O‘tgan joriy davr mobaynida norasmiy faoliyat yuritayotgan 482 ming nafar fuqaro rasmiy bandlikka jalb qilindi. Bu esa aholi oilaviy daromadlarini oshirish va iqtisodiyotga yangi kuch bag‘ishlashda sezilarli natijalar berdi.

Aholi bandligini ta’minlash orqali aholini oilaviy daromadlarini oshirishga quyidagi tajribalarni misol keltirishimiz mumkin:

“Sayxunobod tajribasi” – Mahallalarda tijorat banklari va hokim yordamchilari tomonidan amalga oshirilgan 297 ming mikroloyiha natijasida 531 ming fuqaroning daromadli mehnat bilan bandligi ta’minlandi.

“Uychi tajribasi” – Tijorat banklari tomonidan 5,4 ming uchrashuv tashkil etilib, tadbirkorlarning muammolari hal etildi va 119 ming fuqaro ish bilan ta’minlandi.

“Ijara mexanizmi” – 155 ming fuqaroga 59 ming gektar qishloq xo‘jaligi yer maydonlari ajratilib, ular dehqon xo‘jaliklari sifatida rasmiylashtirildi.

Bu tajribalar nafaqat aholi bandligini oshirish, balki iqtisodiyotda barqarorlik va farovonlikni ta’minlashda ham muhim ahamiyat kasb etmoqda.

Iqtisodiyot va vazirligi

Axborot xizmati