O‘zbekiston Respublikasi Iqtisodiyot va moliya vazirligi

Vazirlikda Buxgalteriya hisobi va audit metodologiyasi boshqarmasi boshlig‘i va xodimlari, ACCAning Markaziy Osiyo, Armaniston va Mo‘g‘uliston, O‘zbekiston Sertifikatlangan moliya mutaxassislari uyushmasi vakillari hamda ACCA Portfolio Yevroosiyo va Yaqin Sharq bo‘limi rahbari Kush Axuja ishtirokida uchrashuv bo‘lib o‘tdi va O‘zbekistonda buxgalterlarni xalqaro sertifikatlash  faoliyatini rivojlantirish istiqbollari haqida umumiy ma’lumot berildi.

Uchrashuv mobaynida ACCA vakillari O‘zbekistondagi ACCA talabalari va ularning imtihondan o‘tish darajalarini belgilash, oliy o‘quv yurtlarini akkreditatsiyadan o‘tkazish,ish beruvchilar bilan ishlash, kadrlarni xalqaro buxgalteriya hisobi va audit ta’lim standartlari asosida tayyorlash tizimini yanada takomillashtirish borasida muhokamalar olib bordi.

Uchrashuv yakunlari bo‘yicha buxgalteriya hisobi, audit va moliya sohalarida keng ko‘lamli mutaxassislar tayyorlash sohasida hamkorlikni yanada rivojlantirish masalalari va barqaror rivojlanish sohasida xalqaro hisobot standartlarini joriy etish muhokama qilindi.

Iqtisodiyot va moliya vazirligi

Axborot xizmati