Osiyo taraqqiyot banki vakillari bilan O‘zbekistonda issiqxona gazlari emissiyasi savdosi tizimini ishlab chiqish yuzasidan muhokama bo‘lib o‘tdi
2024-10-29 18:35:00 / Vazirlik yangiliklari
Ma’lumot uchun: Issiqxona gazlari emissiyasi savdosi tizimi (Emission Trading System – ETS) ifloslantiruvchi moddalar chiqindilarini, xususan issiqxona gazlarini kamaytirish uchun iqtisodiy rag‘batlantirish orqali ifloslanishni nazorat qilishning bozorga yo‘naltirilgan yondashuvi bo‘lib, hozirda ushbu tizim 36 ta davlatda joriy qilingan.
Uchrashuvda Osiyo taraqqiyot bankining maslahatchilari Melanie Hobson, Robert Boyce va Fernando Antolin, Mintaqaviy hamkorlik bo‘yicha mutaxassisi Begzod Djalilov va Iqlim o‘zgarishi bo‘yicha mutaxassisi Nizomiddin Raxmanov hamda vazirlikning Yashil iqtisodiyotga o‘tish va rivojlantirishni muvofiqlashtirish boshqarmasi vakillari ishtirok etdi.
Uchrashuvda tomonlar o‘rtasida respublikada issiqxona gazlari emissiyasini kamaytirishni rag‘batlantirish maqsadida xalqaro ilg‘or tajribalar asosida O‘zbekistonda issiqxona gazlari emissiyasi savdosi tizimini yo‘lga qo‘yish imkoniyatlarini baholash hamda ushbu tizimni joriy etish choralarini ko‘rish muhokama qilindi.
Uchrashuv yakunida, tomonlar emissiya savdo tizimini joriy etish bo‘yicha normativ-huquqiy bazani yaratish va ushbu sohadagi hamkorlikni kengaytirishga kelishib oldi.
Iqtisodiyot va moliya vazirligi
Axborot xizmati