O‘zbekiston Respublikasi Iqtisodiyot va moliya vazirligi

Xorijiy tashkilotlar tomonidan Fransiya taraqqiyot agentligining (FTA) Toshkentdagi mintaqaviy vakolatxonasi direktori Vinsent Kapin, O‘zbekistondagi “Yashil iqtisodiyot”ga texnik ko‘maklashish loyihasi katta loyiha menejeri Marina Moreau va Expertise France kompaniyasidan Iqtisodiyot va moliya vazirligining yashil iqtisodiyot siyosati bo‘yicha maslahatchisi Jan-Lyuk Poget qatnashishdi.

Seminarda, shuningdek, Iqtisodiyot va moliya vaziri o‘rinbosari Xurshed Mustafayev, Energetika vaziri o‘rinbosari Umid Mamadaminov, Iqtisodiyot va moliya vazirligi tegishli departament direktorlari va boshqa tegishli davlat tashkilotlari vakillari ishtirok etishdi.

Seminar ko‘mir, neft va gaz kabi qazib olinadigan yoqilg‘ilarni ishlab chiqarish va ulardan foydalanishni moliyaviy qo‘llab-quvvatlashni amalga oshirishning turli yondashuvlarini muhokama qilishga qaratilgan. Bu atrof-muhitga salbiy ta’sirni kamaytirish, barqaror va toza energiya manbalariga o‘tishni rag‘batlantirish uchun zarurdir.

Tadbir davomida ishtirokchilar loyihaning texnik xususiyatlari, loyihalarni moliyalashtirish va tender savdolari bilan bog‘liq masalalarni ko‘rib chiqdilar hamda ushbu sohadagi global ilg‘or tajribalar yuzasidan fikr almashdilar.

Muhokamaning asosiy mavzulari orasida Oʻzbekistonda qazib olinadigan yoqilgʻi subsidiyalarini inventarizatsiya qilish, subsidiyalar islohoti taʼsirini baholash, subsidiyalar miqdorini aniqlash metodologiyasi, Iqtisodiyot va moliya vazirligi tomonidan elektr energetika sohasini qoʻllab-quvvatlash boʻldi. Xususan, Barqaror rivojlanish xalqaro instituti tadqiqotchisi Yuliya Oxarenko O‘zbekistonda to‘g‘ridan to‘g‘ri va bilvosita qazib olinadigan yoqilg‘i subsidiyalari bo‘yicha o‘z tadqiqoti natijalarini taqdim etdi. BMTTD O‘zbekistondagi Milliy maslahatchisi Yodgor Fayzullayev subsidiyalar islohoti bilan bog‘liq xavf va muammolarni tahlil qilib, energiya samaradorligi siyosati modellarini taqdim etdi. Iqtisodiyot va moliya vazirligining yashil iqtisodiyot siyosati bo‘yicha maslahatchisi Jan-Lyuk Poger iqtisodiy diversifikatsiya zarurligini ta’kidlab, qazib olinadigan yoqilg‘i subsidiyalarini baholash metodologiyalari bilan o‘rtoqlashdi.

Seminar yakunida kelgusida axborot almashinuvi va maslahatlashuvlar, shuningdek, yashil iqtisodiyot tashabbuslarini ilgari surish bo‘yicha kelgusi uchrashuvlar rejalari bo‘yicha kelishuvlarga erishildi.

Seminar qazib olinadigan yoqilg‘i subsidiyalarini bosqichma-bosqich bekor qilish va barqaror iqtisodiy o‘sishga erishish hamda atrof-muhitni muhofaza qilishga qaratilgan O‘zbekiston va Fransiya o‘rtasidagi hamkorlikni mustahkamlash yo‘lidagi muhim qadam bo‘ldi.