Turkiya Energetika va tabiiy resurslar vazirligi delegatsiyasi bilan uchrashuv bo‘lib o‘tdi
2024-09-05 13:30:00 / Tadbirlar
Uchrashuv davomida O‘zbekiston va Turkiya o‘rtasida tog‘-kon sanoati hamda tabiiy resurslar yo‘nalishidagi amalga oshirilib kelayotgan hamkorlik keskin rivojlanib borayotgani mamnuniyat bilan ta’kidlandi. Kompaniya vakillari tomonidan bu boradagi tajriba hamda xorijiy davlatlardagi faoliyatining tafsilotlari taqdim etildi.
Ma’lumot uchun: MTAIC xorijdagi kon qazish salohiyatiga ega bo‘lgan hududlarda minerallar, qimmatbaho metallar bo‘yicha geologik (yer osti), geofizik va geokimyoviy tadqiqotlar o‘tkazadi. Iqtisodiy jihatdan foydalanishga yaroqli bo‘lgan konlarda obyektlar tashkil etish orqali xomashyo ishlab chiqarishni amalga oshiradi.
Shuningdek, MTAIC kompaniyasi tomonidan O‘zbekistonda tashkil etilgan “MTA Tashkent Mining Company” korxonasi faoliyatini kengaytirish istiqbollari muhokama qilindi.
Ma’lumot uchun: 2019-yil O‘zbekistonda foydali qazilmalarni tadqiq etish va qidirish faoliyatini amalga oshirish maqsadida MTAIC tomonidan “MTA Tashkent Mining Company” vakolatli kompaniyasi tashkil etilgan.
Muzokaralar doirasida xorijiy kompaniya tomonidan tog‘-kon sanoati sohasida yangi loyihalarni amalga oshirish bo‘yicha takliflar taqdim etildi.
Vazirlik rahbariyati tomonidan hamkorlikning barcha turlari qo‘llab-quvvatlanishi ta’kidlanib, taklif etilgan loyihalar bo‘yicha hamkorlikning aniq rejalari belgilab olindi.
Iqtisodiyot va moliya vazirligi
Axborot xizmati