O‘zbekiston Respublikasi Iqtisodiyot va moliya vazirligi

Uchrashuvda EDCF jamg‘armasining Toshkentdagi vakolatxonasi rahbari o‘rinbosari An Du Jin, Yevroosiyo va Markaziy Osiyo bo‘yicha departamenti direktorining o‘rinbosari Nam Xiyoni hamda tegishli vazirlik va idoralarning mas’ul vakillari ishtirok etdilar.

Muloqot davomida tomonlar sog‘liqni saqlash va ta’lim yo‘nalishlarida hamkorlikda amalga oshirilayotgan loyihalar, xususan, tibbiyot oliy ta’lim maskanlarini barpo etish, umumta’lim maktablarini laboratoriya to‘plamlari bilan jihozlash, xalq ta’limida axborot-kommunikatsion texnologiyalar sohasini rivojlantirish va farmatsevtika sohasida ilmiy-innovatsiyani rag‘batlantirish yuzasidan ishlab chiqilgan loyihalar va ularning bugungi kundagi holatini muhokama qildilar.

Shuningdek, suhbatda tomonlar o‘zaro hamkorlik istiqbollari, xususiy sektorni qo‘llab-quvvatlash bo‘yicha loyihalarni rivojlantirish, ishlab chiqilayotgan loyihalarga ilg‘or tajribalarni tatbiq qilish yuzasidan fikr almashdilar.

Muzokaralar yakunida tomonlar yuqorida qayd etilgan masalalar yuzasidan ishlarni jadallik bilan tashkil etish hamda o‘zaro hamkorlik aloqalarini yanada kengaytirish yuzasidan kelishib oldilar.

Iqtisodiyot va moliya vazirligi
Axborot xizmati