Xalqaro mehnat tashkiloti vakillari bilan Oʻzbekistonning “Yashil ish oʻrinlari” dasturi va “Adolatli oʻtish” mavzusida onlayn uchrashuv boʻlib oʻtdi
2024-07-31 16:10:00 / Vazirlik yangiliklari
Yig‘ilishda “Adolatli o‘tish” bo‘yicha hududiy o‘quv markazini tashkil etishni nazarda tutuvchi konsepsiyani ishlab chiqishga alohida e’tibor qaratildi. O‘quv markazi xodimlar, korxonalar va jamiyat uchun adolatli o‘tishni ta'minlash uchun tarkibiy va mehnat bozoridagi o‘zgarishlarni qo‘llab-quvvatlashda muhim rol o‘ynaydi. Shuningdek, o‘quv markazi turli ish va sohalar uchun kadrlar malakasini oshirish va qayta tayyorlashga qaratilgan bo‘lib, bunda asosiy e’tibor adolatli o‘tishga qaratiladi.
Bundan tashqari, texnik ko‘mak hamda tomonlar o‘rtasida anglashuv memorandumi imzolanishi bilan bog'liq tashkiliy masalalar atroflicha muhokama qilindi. Memorandum 2024-yil 11-22-noyabr kunlari Baku shahrida bo‘lib o‘tadigan BMTning Iqlim o‘zgarishi bo‘yicha doiraviy konventsiyasi ishtirokchilarining 29-konferensiyasi doirasida imzolanishi rejalashtirilmoqda.
Uchrashuv so‘ngida har ikki tomonning yashil ish o‘rinlarini kengaytirish va O‘zbekistonda adolatli o‘tish jarayonini qo‘llab-quvvatlash, shuningdek, yangi iqtisodiy voqeliklar uchun kadrlar tayyorlashning yuqori standartlarini ta’minlash masalalari bo‘yicha hamkorlikni kengaytirishga kelishib olindi.
Iqtisodiyot va moliya vazirligi
Axborot xizmati