Oʻzbekiston Respublikasi Davlat budjetining 2024-yil 1-yarim yillik ijrosi to‘g‘risida ma’lumot
2024-07-26 16:55:00 / Vazirlik yangiliklari
Davlat budjetining 2024-yil 1-yarim yillik daromadlari 2023-yilning mos davriga nisbatan 18,3 foizga oshib 121,0 trln so‘mni tashkil etdi.
Shuningdek, daromadlarning 80,6 foizini soliqlar, 19,4 foizini esa soliqsiz tushumlar va boshqa daromadlar tashkil qildi.
Hisobot davrida Davlat budjeti jami xarajatlari 149,8 trln so‘mni shundan ijtimoiy sohalarga yo‘naltirilgan xarajatlar 74,1 trln so‘mni tashkil etdi.
Oʻtgan yarim yillikda Davlat budjetidan ajratilgan subsidiyalar miqdori 15 351 mlrd soʻm boʻldi. Shundan 2 947 mlrd soʻmi ijtimoiy ahamiyatga ega subsidiyalar uchun ajratildi.