Iqtisodiyot va moliya vazirligi xodimlari Xotira va qadrlash kuni munosabati bilan “Matonat madhiyasi” poyiga gulchambar qo‘yish marosimida ishtirok etdi
2026-05-09 14:00:00 / Vazirlik yangiliklari
Mazkur tadbir Ikkinchi jahon urushi yillarida yurt ozodligi va tinchligi yo‘lida jon fido qilgan ajdodlarimiz xotirasiga hurmat bajo keltirish, shuningdek, bugungi tinch va farovon hayotimizni qadrlash maqsadida o‘tkazildi.
Marosim davomida vazirlik jamoasi tomonidan urush va mehnat fronti faxriylarining jasorati, mardligi va fidoyiligi chuqur ehtirom bilan yod etildi.
Shuningdek, tadbir ishtirokchilari tomonidan mamlakatimizda faxriylarni e’zozlash, tarixiy xotirani asrab-avaylash va yosh avlodni vatanparvarlik ruhida tarbiyalash muhim ahamiyat kasb etishi alohida ta’kidlandi.
Tadbir yakunida urush qatnashchilari xotirasiga hurmat tariqasida monument poyiga gulchambar va gullar qo‘yildi.
Iqtisodiyot va moliya vazirligi
Axborot xizmati va kommunikatsiyalar boshqarmasi