O‘zbekiston Respublikasi Iqtisodiyot va moliya vazirligi

Uchrashuv davomida mamlakatda demografik dividenddan foydalanish istiqbollari, inson kapitaliga investitsiyalarni kengaytirish hamda barqaror iqtisodiy o‘sishni ta’minlashga qaratilgan ustuvor yo‘nalishlar muhokama qilindi.
 

Shu bilan birga, aholining o‘sishi va yosh tarkibidagi o‘zgarishlar fonida inson kapitalini rivojlantirish, jumladan ta’lim, sog‘liqni saqlash, ijtimoiy himoya va bandlik sohalariga investitsiyalarni oshirish muhim ahamiyat kasb etishi qayd etildi. Mazkur yo‘nalishlar iqtisodiy o‘sishni jadallashtirishda hal qiluvchi omil sifatida e’tirof etildi.
 

Uchrashuvda, shuningdek:
 

hududlar kesimida demografik prognozlarning aniqligini oshirish;
 

demografik dividenddan foydalanish samaradorligini baholash mexanizmlarini takomillashtirish;
 

zamonaviy raqamli platformalarni joriy etish;
 

ilmiy-tadqiqot va tahliliy ishlarni kuchaytirish masalalari yuzasidan fikr almashildi.
 

Tomonlar demografik imkoniyatlardan samarali foydalanish orqali mamlakatning uzoq muddatli iqtisodiy barqarorligini ta’minlash, raqobatbardoshligini oshirish hamda aholi farovonligini yuksaltirish bo‘yicha hamkorlikni yanada rivojlantirishga kelishib oldilar.

Iqtisodiyot va moliya vazirligi

Axborot xizmati va kommunikatsiyalar boshqarmasi