“Iqtisodiy rivojlanish strategiyasiga asoslangan fazoviy va master rejalarni ishlab chiqish” mavzusida amaliy seminar oʻtkazilmoqda
2026-04-02 20:10:00 / Vazirlik yangiliklari
Iqtisodiyot va moliya vazirligi tomonidan BMT Taraqqiyot Dasturi koʻmagida, joriy yilning 2-aprel kuni Fargʻona shahrida Qoraqalpogʻiston Respublikasi Vazirlar Kengashi va viloyat hokimliklarining Master rejalarni ishlab chiqish va amalga oshirish boʻyicha loyiha ofislari xodimlari, mahalliy loyiha tashkilotlari mutaxassislari malakasini oshirishga qaratilgan navbatdagi amaliy seminar oʻz ishini boshladi.
Seminar Turkiyaning yetakchi Policy Analytics Lab (PAL) kompaniyasi bilan hamkorlikda tashkil etilmoqda.
Kunning birinchi yarmida fazoviy rejalashtirish va master rejalarni ishlab chiqishda iqtisodiy tahlillarning ahamiyati, ijtimoiy va ishlab chiqarish infratuzilmasini rivojlantirish dasturlarini shakllantirishni fazoviy va master rejalarga bogʻlash boʻyicha taqdimotlar qilindi.
Shuningdek, kunning ikkinchi yarmida hududlarni iqtisodiy rivojlantirishda fazoviy va master rejalarni ishlab chiqish bosqishlari, hududlarni iqtisodiy rejalashtirishning ustuvor yoʻnalishlari boʻyicha tushunchalar berildi.
Amaliy seminar oʻz ishini davom ettirmoqda.
Iqtisodiyot va moliya vazirligi
Axborot xizmati va kommunikatsiyalar boshqarmasi