Jamiyatda xotin qizlarning o‘rni
2024-06-12 09:20:00 / Vazirlik yangiliklari
O‘zbekiston Respublikasi Iqtisodiyot va moliya vazirligida joriy yilning 11-iyun kuni хotin-qizlarning ijtimoiy-siyosiy va iqtisodiy faoligini oshirish, ularning turli soha va tarmoqlarda o‘z qobiliyati va imkoniyatlarini ro‘yobga chiqarish uchun shart-sharoitlarni yaratish maqsadida “Jamiyatda xotin-qizlarning o‘rni” mavzusida davra suhbati tashkil etildi.
Tadbirda O‘zbekistonda xizmat ko’rsatgan yoshlar murabbiyi, falsafa fanlari doktori, professor J.Shermuxammedova, Xalqaro toifadagi sport ustasi, “Zulfiya” nomidagi davlat mukofoti sovrindori M.Maxmudova, Oʻzbekistonda xizmat koʻrsatgan artist R. Yarasheva, “Ayol uchun” platformasi asoschisi, tadbirkor M.Tadjiyevalar ishtirok etishdi.
Ishtirokchilar oilada va jamiyatda ayolning o‘rni qanday bo‘lish kerakligiga alohida to‘xtalib o‘tishdi. Shuningdek, tadbirda bugun xotin-qizlar uchun yaratilayotgan imkoniyatlar haqida so‘z bordi.
Tadbir davomida interaktiv treninglar ham tashkil etilib, savol-javoblar o‘tkazildi.