Iqtisodiyot va moliya vazirligining Jahon banki ishtirokidagi “Oʻzbekistonda yashash uchun qulay va barqaror shaharlar” natijaga asoslangan moliyalashtirish (PforR) loyihasi doirasida seminar tashkil etildi
2026-03-17 18:05:00 / Vazirlik yangiliklari
Mazkur hududlarga Qoʻngʻirot, Chimboy, Asaka, Gʻijduvon, Gʻallaorol, Yakkabogʻ, Xatirchi, Chortoq, Bulungʻur, Sirdaryo, Denov, Quva, Shovot, Hazorasp tumanlari hamda Yangiyoʻl va Margʻilon shaharlari kiradi.
Mazkur loyiha Jahon bankining natijaga asoslangan moliyalashtirish instrumenti — Program for Results (PforR) asosida amalga oshirilmoqda. Ushbu yondashuv doirasida moliyalashtirish natijalar va ko‘rsatkichlarga erishish bilan bog‘lanadi hamda hududlarda amalga oshirilayotgan islohotlar samaradorligini oshirishga xizmat qiladi.
Loyihaning asosiy maqsadi hududlarda aholi yashashi va tadbirkorlik faoliyati bilan shug‘ullanishi uchun qulay muhit yaratish, mavjud infratuzilmani yaxshilash hamda hududlarning barqaror rivojlanishini ta’minlashdan iborat. Shuningdek, loyiha doirasida ijtimoiy va ishlab chiqarish obyektlari (bog‘chalar, maktablar, shifoxonalar va boshqa muhim obyektlar)ni rivojlantirish, yuqori qo‘shilgan qiymatli mahsulotlar ishlab chiqarish hamda zamonaviy xizmatlar ko‘rsatish imkoniyatlarini kengaytirish nazarda tutilgan. Bunda qishloq mahallalariga zamonaviy shahar muhiti va yashash sharoitlarini olib kirish ham muhim vazifalardan biri hisoblanadi.
Loyihani amalga oshirish muddati 2026–2030-yillar etib belgilangan.
Shu munosabat bilan, Jahon bankining Toshkent shahridagi ofisida loyiha doirasida seminar tashkil etildi.
Seminarda mazkur 16 ta tuman (shahar) hokimlarining moliya-iqtisodiyot va kambagʻallikni qisqartirish masalalari boʻyicha birinchi oʻrinbosarlari hamda qurilish, toʻsiqlarsiz muhit yaratish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosarlari ishtirok etdi.
Iqtisodiyot va moliya vazirligi
Axborot xizmati va kommunikatsiyalar boshqarmasi