Natijaga yo‘naltirilgan budjetlashtirish tizimini samarali joriy etish mavzusida vazirlik va idoralarning mas’ul xodimlariga o‘quv seminari tashkil etildi
2026-03-17 10:05:00 / Vazirlik yangiliklari
Shu munosabat bilan, joriy yilning 12–13-mart kunlari Iqtisodiyot va moliya vazirligi bilan hamkorlikda Jahon bankining ko‘magida amalga oshirilayotgan “Institutsional salohiyatni oshirish” loyihasi doirasida “Ernst & Young Advisory” LLC (Ecorys Netherlands B.V.) konsalting tashkiloti ekspertlari tomonidan Oliy ta’lim, fan va innovatsiyalar vazirligi hamda Suv xo‘jaligi vazirliklari rahbar xodimlar uchun navbatdagi o‘quv seminari tashkil etildi.
Seminar davomida ishtirokchilarga natijaga yo‘naltirilgan budjetlashtirishning asosiy tamoyillari, budjet dasturlarini shakllantirish va ularni samarali boshqarish mexanizmlari, maqsadli indikatorlar tizimini shakllantirish hamda budjet dasturlarining amalga oshirilishini monitoring qilish va baholashning zamonaviy usullari bo‘yicha batafsil ma’lumotlar taqdim etildi.
Shuningdek, xalqaro amaliyotda keng qo‘llanilayotgan ilg‘or yondashuvlar, davlat boshqaruvida natijadorlikni oshirishga qaratilgan instrumentlar va turli mamlakatlar tajribasi haqida amaliy misollar keltirildi.
Seminar faol muloqot va savol-javoblar shaklida o‘tkazilib, ishtirokchilarning amaliyotda yuzaga kelayotgan savollariga xalqaro va mahalliy ekspertlar tomonidan atroflicha javob berildi.
Iqtisodiyot va moliya vazirligi
Axborot xizmati va kommunikatsiyalar boshqarmasi