“Yangi Buxoro” xalqaro aeroportini davlat-xususiy sheriklik (DXSh) asosida qurish va boshqaruvga berish loyihasi bo‘yicha xalqaro tenderning birinchi bosqichi (RfQ) e’loni
2026-03-12 16:20:00 / Davlat xususiy sheriklik e'lonlar
“O‘zbekiston 2030” strategiyasiga muvofiq “Yangi Buxoro” xalqaro aeroportini DXSh shartlari asosida qurish va boshqarish loyihasi bo‘yicha tenderning birinchi bosqichi (RfQ) boshlangani rasman xabar qilinadi.
“Uzbekistan Airports” AJ, Transport vazirligi va Iqtisodiyot va moliya vazirligi ishtirokida “Yangi Buxoro” xalqaro aeroportini DXSh shartlari asosida qurish va boshqarish” loyihasini (“DXSh loyihasi”) amalga oshirish uchun xususiy sherikni tanlab olish maqsadida xalqaro tender jarayonlarini o‘tkazishni rejalashtirgan.
Yetarli tajribaga ega bo‘lgan barcha manfaatdor va qiziqish bildiruvchi kompaniyalar mazkur loyihani yangi zamonaviy talablarga javob beradigan infratuzulmalar bilan qurish va boshqarish uchun taklif qilinadi.
Mazkur loyiha uchun Buxoro viloyatining Buxoro tumanidagi hudud tanlab olingan bo‘lib “Yangi Buxoro” xalqaro aeroportini mintaqa uchun zamonaviy va xalqaro standartlar andozasi bo‘yicha transport markaziga aylantirishga qaratilgan ilk qadamdir. Loyiha ichki va xalqaro reyslarni qabul qilib, nafaqat yo‘lovchilarni O‘zbekiston ichidagi va xorijdagi manzillar bilan bog‘lovchi, balki viloyatning investisiyaviy jozibadorligini oshirish, turizmni va savdo-sotiqni rivojlantirish uchun muhim bo‘g‘in bo‘lib xizmat qiladi.
Loyihani amalga oshirilishi 1993-yilda YUNESKOning Butunjahon merosi ro‘yxatiga kiritilgan tarixiy markaz Buxoro shahriga tashrif buyuruvchi sayohatchilar oqimini yanada ko‘paytirishga o‘z hissasini qo‘shadi.
Yangi Buxoro xalqaro aeroportida butun Yevroosiyo boʻylab aviakompaniyalarga muntazam va charter qatnovlarga xizmat koʻrsatishni bosqichma-bosqich oshirib borilish rejalashtirilgan.
Mazkur loyihani amalga oshirish uchun eng yuqori samaradorlik va xizmat ko'rsatishni ta’minlay oladigan global soha yetakchilari qiziqish bildirishi kutilmoqda.
Loyiha quyidagi qurilish ishlarini o‘z ichiga oladi:
- 48 500 m² maydonni egallagan xalqaro reyslar uchun soatiga 1200 yoʻlovchiga (ham joʻnash, ham kelish), ichki reyslar uchun esa 400 nafar yoʻlovchiga xizmat koʻrsatishga moʻljallangan yangi zamonaviy yoʻlovchi terminali;
- keytering binosi, avtoturargohlar, yuklarga ishlov berish maydonchalarini qurish, shuningdek aerovokzal hududini obodonlashtirish;
- 4 gektar maydonda 8 000 kub metr sig‘imli omborga ega yoqilg‘i quyish kompleksi kabi inshooatlar.
Loyiha doirasida barpo etiladigan aerodrom va davlat davlat sherigi obyektlari davlat sherigi tasarrufida bo‘ladi. Xususiy sherik yo‘lovchi terminali va uning atrofidagi hudud, maxsus jihozlar binosi va umumiy ovqatlanish majmuasi uchun javobgar bo‘ladi.
Loyihaga qiziqish bildirgan kompaniyalar quyidagi electron manzillarga RfQ hujjatlarini olish uchun rasmiy so‘rov yuborishlari so‘raladi.
Elektron pochta: tender.info@uzairports.com; tender@uzairports.com, (tel.:+998 555 01 47 47)
Nusxasi: dxshtender@imv.uz
RfQ talablari asosida shakillantirilgan arizalarni taqdim qilishning so‘ngi muddati-Toshkent vaqti bilan, 2026 yil 21-may soat 18:00.