Osiyo taraqqiyot banki vakillari bilan O‘zbekistonda davlat xaridlari tizimini takomillashtirish yuzasidan uchrashuv bo‘lib o‘tdi
2024-06-06 17:30:00 / Vazirlik yangiliklari
Uchrashuvda Iqtisodiyot va moliya vaziri o‘rinbosari Gulnora Raximova boshchiligidagi vazirlik vakillari hamda Osiyo taraqqiyot bankining Portfolio va moliyaviy boshqarish departementi direktori Jesper Pedersen, shuningdek davlat xaridlari bo‘yicha mutaxassisi Oliver Leonard ishtirok etdi.
Uchrashuv davomida davlat xaridlari tizimida amalga oshirilayotgan islohotlar, xususan, barqaror davlat xaridlarini joriy etilishi bo‘yicha huquqiy baza yaratilishi, davlat xaridlari elektron tizimlarini takomillashtirish, davlat xaridlarida ishonchli tadbirkorlik subyektlarini qo‘llab-quvvatlash masalalari atroflicha muhokama qilindi.
Shu bilan birga, “O‘zbekistonda davlat xaridlari subyektlarining malakasi baholash” loyihasini amalga oshirish, bunda davlat buyurtmachilarining davlat xaridlari bo‘yicha mas’ul mutaxassislariga qo‘yiladigan malaka talablarini belgilash, davlat xaridlari bo‘yicha malaka oshirish tizimini takomillashtirish masalalari bo‘yicha hamkorlik yo‘nalishlari belgilab olindi.
Uchrashuv yakunida, tomonlar o‘zaro manfaatli hamkorlikni davom ettirish va rivojlantirishga kelishib oldilar.
Iqtisodiyot va moliya vazirligi
Axborot xizmati