“Ahlatci Holding” kompansiyasi rahbariyati bilan hamkorlik masalalari muhokama qilindi
2026-01-30 11:30:00 / Vazirlik yangiliklari
Uchrashuv davomida O‘zbekistonda investitsiyaviy hamkorlikni rivojlantirishning ustuvor yo‘nalishlari hamda o‘zaro manfaatli loyihalarni amalga oshirish istiqbollari yuzasidan fikr almashildi. Tomonlar ishlab chiqarish va xizmat ko‘rsatish sohalarida zamonaviy yondashuvlarni joriy etish, samaradorlikni oshirish hamda tajriba almashish masalalariga to‘xtaldi.
Shuningdek, sanoatning ayrim yo‘nalishlari, jumladan, tog‘-kon sohasi bo‘yicha hamkorlik imkoniyatlarini o‘rganish, geologik o‘rganish ishlarida zamonaviy texnologiyalarni qo‘llash hamda ilg‘or tajribani bosqichma-bosqich joriy etish istiqbollari ko‘rib chiqildi.
Muloqot chog‘ida ijtimoiy soha yo‘nalishlarida ham amaliy hamkorlikni rivojlantirish masalalariga e’tibor qaratildi. Bu borada boshqaruv tajribasi, tashkiliy yondashuvlar hamda xizmatlar sifatini oshirishga qaratilgan mexanizmlar yuzasidan fikr almashildi.
Uchrashuv yakunida tomonlar istiqbolli yo‘nalishlarni qo‘shimcha o‘rganish hamda o‘zaro muloqotni izchil davom ettirish muhimligini ta’kidladi.
Iqtisodiyot va moliya vazirligi
Axborot xizmati va kommunikatsiyalar boshqarmasi