“Boston Consulting Group” kompaniyasi vakillari bilan uchrashuv bo‘lib o‘tdi
2026-01-16 21:00:00 / Vazirlik yangiliklari
Uchrashuvda BCGning boshqaruvchi direktori, Markaziy Osiyo va Kaspiy mintaqasi bo‘yicha rahbari Rza Nuriyev, O‘zbekiston Respublikasi Markaziy banki raisi Timur Ishmetov, Iqtisodiyot va moliya vaziri o‘rinbosari Ilhomjon Umrzakov hamda boshqa mas’ul vakillar ishtirok etdi.
Uchrashuv davomida tomonlar mamlakatimizda iqtisodiyot va moliya yo‘nalishida turli sektorlarni rivojlantirish istiqbollari, xususan, bank-moliya tizimini takomillashtirish, moliya institutlari faoliyatining samaradorligini oshirish, shaffoflik va barqarorlikni kuchaytirish masalalari yuzasidan muhokamalar olib bordi.
Shuningdek, sohaga xususiy kapitalni jalb etish, institutsional islohotlarni chuqurlashtirish, moliyaviy resurslardan samarali foydalanish hamda ilg‘or xalqaro tajribalarni joriy etish masalalariga alohida e’tibor qaratildi.
Muzokaralar yakunida tomonlar o‘zaro hamkorlikni yanada rivojlantirish, yuqoridagi yo‘nalishlar yuzasidan fikrlar almashinuvi jarayonlarini kengaytirish hamda tashabbuslar amalga oshirishda tizimli va samarali faoliyat olib borishga kelishib oldi.
Iqtisodiyot va moliya vazirligi
Axborot xizmati va kommunikatsiyalar boshqarmasi