“TTT-AUDIT” MChJ auditorlik tashkiloti Auditorlik tashkilotlari reyestridan chiqarildi
2026-01-15 19:10:00 / Vazirlik yangiliklari
O‘zbekiston Respublikasining “Auditorlik faoliyati to‘g‘risida”gi Qonunining 43-moddasiga muvofiq, “TTT-AUDIT” mas’uliyati cheklangan jamiyati auditorlik tashkiloti to‘g‘risidagi ma’lumotlar 2026-yil 9-yanvardan boshlab Auditorlik tashkilotlari reyestridan chiqarildi.
Ma’lumot uchun: Qonunning 43-moddasiga asosan auditorlik tashkiloti quyidagi holatlarda Auditorlik tashkilotlari reyestridan chiqariladi:
- ushbu Qonunning 27-moddasi oltinchi qismida belgilangan talablarga nomuvofiqlik aniqlanganda;
- auditorlik tashkiloti tugatilganda;
- auditorlik faoliyati bilan bog‘liq bo‘lmagan boshqa faoliyat turlari amalga oshirilganda yoki faoliyat turi o‘zgartirilganda;
- Qonunning 34-moddasida nazarda tutilgan auditorlik tekshiruvini o‘tkazishdagi cheklovlar buzilganda;
- bila turib soxta auditorlik xulosasi tuzilganda;
- auditorlik xizmatlari ko‘rsatish jarayonida olingan maxfiy axborot oshkor qilinganda;
- auditorlik faoliyatini amalga oshirishda auditorlik tashkiloti javobgarligining sug‘urta polisi mavjud bo‘lmaganda;
- auditorlik tashkiloti faoliyati sifatining tashqi nazorati o‘tkazilayotganda zarur hujjatlar va axborotlar vakolatli davlat organiga taqdim etilmaganda.
Iqtisodiyot va moliya vazirligi
Axborot xizmati va kommunikatsiyalar boshqarmasi
