O‘zbekiston Respublikasi Iqtisodiyot va moliya vazirligi

Ma’lumot uchun: Toni Bleyr Global o‘zgarishlar instituti Buyuk Britaniya sobiq bosh vaziri Toni Bleyr tomonidan yaratilgan notijorat tashkilotdir. Uning asosiy faoliyati butun dunyo bo‘ylab hukumatlar va yuqori martabali siyosiy rahbarlarga o‘z fuqarolari farovonligini oshirish uchun strategik islohotlarni amalga oshirishda yordam berishga qaratilgan. Tashkilot strategiyani ishlab chiqishdan uni amalga oshirishgacha bo‘lgan konsalting xizmatlarini ko‘rsatadi.

Uchrashuvda tomonlar hamkorlikning istiqbolli yo‘nalishlari bo‘yicha fikr almashib, TBI’ning O‘zbekiston hukumatiga mamlakat fuqarolari farovonligini oshirishga qaratilgan strategik islohotlarni amalga oshirishda yordam ko‘rsatish imkoniyatlarini muhokama qildi.

TBI vakillari tuzilmaviy islohotlar sohasida ilg‘or xalqaro tajriba va amaliyotlar bilan o‘rtoqlashishga tayyor ekanliklarini bildirdi.

Uchrashuv yakunlari bo‘yicha tomonlar yaqin hamkorlikni yo‘lga qo‘yish va rejadagi loyihalarni amalga oshirish bo‘yicha aniq qadamlarni ishlab chiqish yuzasidan kelishuvga erishdi.

Iqtisodiyot va moliya vazirligi

Axborot xizmati