“Mening maktabim” doirasida loyiha kiritish bosqichi yakunlanishiga 1 kun qoldi
2025-12-23 16:05:00 / Vazirlik yangiliklari
Ertaga, 24-dekabr soat 23:59 da “Mening maktabim” loyihasining 2025/2026-o‘quv yilidagi 2-bosqichi doirasida loyiha kiritish bosqichi o‘z yakuniga yetadi.
O‘quvchilar “Ochiq budjet” portali orqali quyidagi usullardan foydalangan holda o‘z loyihalarini ilgari surishlari mumkin:
1️⃣ avtomatik tarzda — loyiha namunalari orasidan o‘ziga yoqqan loyihani tanlash orqali;
2️⃣ mustaqil ravishda — taqdim etilgan loyiha namunalari orasida mavjud bo‘lmagan loyihalarni yangidan shakllantirish orqali.
➡️ “Mening maktabim” loyihasida 5-sinfdan 11-sinfgacha boʻlgan har bir oʻquvchi oʻzi taʼlim olayotgan umumtaʼlim maktabiga doir loyihalarni ilgari surishi hamda ushbu loyihalarga ovoz berishi mumkin.
📹 Mazkur video orqali “Mening maktabim” loyihasida qay tarzda taklif kiritish mumkinligi to‘g‘risida ma’lumot olishingiz mumkin.
