Adliya vazirining buyrug‘iga muvofiq 2026-yil 12-martdan 12-aprelga qadar respublika bo‘ylab “Xotin-qizlar huquqlari kafolatlari” huquqiy aksiyasi o‘tkazilmoqda.

Huquqiy aksiya doirasida adliya organlari tomonidan mahallalarda sayyor qabullar, huquqiy maslahatlar, tushuntirish tadbirlari hamda “Adliya kuni” uchrashuvlari tashkil etiladi.

Aksiya davomida xotin-qizlar:

• o‘zlarini qiynayotgan huquqiy masalalar bo‘yicha bepul maslahat olishlari;
• davlat organlariga murojaat qilish uchun ariza va hujjatlarni rasmiylashtirishda yordam olishlari;
• bepul davlat xizmatlari hamda elektron platformalardan foydalanish tartibi haqida ma’lumot olishlari mumkin.

Shuningdek, xotin-qizlarning murojaatlari o‘rganilib, mavjud muammolarni joyida hal etish, zarur hollarda tegishli tashkilotlar bilan hamkorlikda qonuniy choralar ko‘riladi.

Barcha xotin-qizlarni huquqiy aksiya tadbirlarida faol ishtirok etishga chorlaymiz.

Qo‘shimcha ma’lumotlar adliya organlarining rasmiy sahifalari orqali e’lon qilib boriladi.