Adliya vaziri Akbar Tashkulov Yashnobod tumanida jinoyatchilik va huquqbuzarliklarning oldini olishga qaratilgan ishchi guruh faoliyati yuzasidan navbatdagi yig‘ilishni o‘tkazdi.
2026-02-28 17:45:00 / Vazirlik yangiliklari
Avval xabar qilinganidek, vazirning tegishli buyrug‘i asosida tumanda huquqbuzarliklarning barvaqt profilaktikasini yo‘lga qo‘yish va kriminogen vaziyatni barqarorlashtirish maqsadida maxsus ishchi guruh tashkil etilgan edi.
Uchrashuvda ishchi guruh tomonidan hududda xavfsiz muhitni shakllantirish, jamoat xavfsizligini mustahkamlash va bu borada namunaviy tizim yaratish bo‘yicha olib borilgan dastlabki tahliliy o‘rganishlar hamda ishlab chiqilgan takliflar ko‘rib chiqildi.
Vazir tomonidan tumanni jinoyatlardan holi hududga aylantirish, mahallalarda barqaror va xavfsiz muhitni ta’minlash, huquqbuzarliklarning ildiz omillarini aniqlash hamda ularni bartaraf etish yuzasidan tizimli yondashuvni kuchaytirish bo‘yicha aniq topshiriqlar berildi. Shuningdek, ishlab chiqilayotgan takliflarni amaliy mexanizmlar bilan boyitish va ularning samaradorligini oshirish zarurligi ta’kidlandi.