"Vazir va yoshlar" uchrashuvi
2026-02-26 16:00:00 / Vazirlik yangiliklari
Adliya vaziri A.Tashkulov Surxondaryo viloyati adliya boshqarmasida tizimdagi yosh xodimlar bilan ochiq muloqot o'tkazdi.
Uchrashuv davomida yoshlarning taklif va tashabbuslari tinglanib, tizimda yoshlarga yaratilayotgan imkoniyatlar hamda kelgusidagi ustuvor vazifalar muhokama qilindi.
Vazir o‘z ma’ruzasida tizimda “tuman–viloyat–respublika” karera modeli joriy etilgani, lavozimga ko‘tarilish samaradorlik asosida amalga oshirilishi yo‘lga qo‘yilganini ta’kidladi.
Shuningdek, yaqin kunlarda yosh huquqshunoslar uchun “Adliya organlari vazifa va funksiyalari samaradorligini oshirish” mavzusida kreativ g‘oyalar tanlovi e’lon qilinishi ma’lum qilindi.
Bu kabi muloqotlar Prezident tashabbusi bilan ilgari surilgan “Yoshlar kuni” doirasida yoshlarni qo‘llab-quvvatlash, ularning tashabbuslarini ro‘yobga chiqarish hamda adliya tizimida professional va sadoqatli kadrlar zaxirasini shakllantirishga xizmat qiladi.