Adliya vaziri Yashnobod tumanida ichki ishlar bo‘limlari faoliyati bilan tanishdi
2026-02-08 15:00:00 / Vazirlik yangiliklari
✅Adliya vaziri A.Tashkulov joriy yilning 7-fevral kuni Toshkent shahar Yashnobod tumanidagi 1 va 3-son Ichki ishlar bo‘limlarida bo‘lib, “102” qisqa raqami orqali kelib tushayotgan xabarlar bilan ishlash jarayonini o‘rgandi.
Tashrif davomida murojaatlarni qabul qilish, ularni o‘z vaqtida ro‘yxatga olish, mas’ullarga tezkor yetkazish, protsessual hujjatlarni qonunchilik talablari asosida rasmiylashtirish holati atroflicha ko‘zdan kechirildi.
✅Shuningdek, ichki ishlar bo‘limlarida fuqarolar uchun yaratilgan sharoitlar, murojaatchilarni qabul qilish tartibi, ochiqlik va shaffoflikni ta’minlashga qaratilgan amaliy ishlar muhokama qilindi.
✅Vazir tomonidan mas’ul xodimlarga murojaatlar bilan ishlashda fuqarolarning huquq va manfaatlarini ishonchli himoya qilish, har bir xabarga tezkor va sifatli munosabat bildirish, xizmat intizomini yanada mustahkamlash yuzasidan tegishli tavsiya va takliflar bildirildi.