“Yuksalish” harakati tomonidan davlat organlari va tashkilotlari huzuridagi jamoatchilik kengashlarining faoliyati 2025-yil davomida tizimli ravishda monitoring qilindi.
2026-01-12 18:00:00 / Vazirlik yangiliklari
Ushbu monitoring jarayonida jamoatchilik kengashlarining ochiqlikni ta’minlash, jamoatchilik bilan muloqotni yo‘lga qo‘yish, fuqarolar taklif va tashabbuslarini qo‘llab-quvvatlash hamda davlat organlari faoliyati ustidan jamoatchilik nazoratini amalga oshirishdagi ishtiroki baholandi.
Monitoring natijalariga ko‘ra, Adliya vazirligi huzuridagi Jamoatchilik kengashi eng yuqori ko‘rsatkichni qayd etib, uning 2025-yil davomidagi faoliyati samarali deb topildi. Kengash tomonidan jamoatchilik bilan ochiq muloqotni yanada kuchaytirish, fuqarolar manfaatlarini himoya qilish hamda sud-sohasida amalga oshirilayotgan islohotlarni qo‘llab-quvvatlashga qaratilgan tashabbuslar ijobiy baholandi.