Adliya vazirligi ishchi guruhi tomonidan Andijon va Namangan viloyat adliya boshqarmalarida tizimdagi xodimlar ishtirokida korrupsiyaga qarshi kurashish yuzasidan uchrashuvlar o‘tkazildi.
2025-12-27 12:10:00 / Vazirlik yangiliklari
Adliya vazirligi ishchi guruhi tomonidan Andijon va Namangan viloyat adliya boshqarmalarida tizimdagi xodimlar ishtirokida korrupsiyaga qarshi kurashish, bu sohada aniqlanayotgan kamchiliklar va mavjud xavf-xatarlar muhokamasi yuzasidan uchrashuvlar o‘tkazildi.
Tadbirda joylarda adliya organlari va tizimdagi tashkilot xodimlari tomonidan nojo‘ya xatti-harakatlar tanqidiy muhokama qilinib, ularni oldini olish yuzasidan zaruriy chora tadbirlar belgilab olindi hamda xodimlarga tegishli ko‘rsatmalar berildi.
Shu bilan birga Adliya vazirligi tizimidagi manfaatlar to‘qnashuvini boshqarish to‘g‘risidagi nizom va boshqa korrupsiyaga qarshi kurashish bo‘yicha adliya vaziri tomonidan tasdiqlangan ichki tartib-qoidalarga, fuqarolar bilan ishlashda muomala madaniyati va odob-ahloq qoidalariga qatiy rioya qilib borilishi yuzasidan tushuntirishlar berilib, xodimlarning takliflari tinglandi.