Turkiyaning “Kalyon Holding” va “Cengiz Holding” kompaniyalari vakillari bilan uchrashuv bo‘lib o‘tdi
2024-06-28 19:35:00 / Vazirlik yangiliklari
Uchrashuvda “Kalyon Holding” kompaniyasi boshqaruv raisining birinchi o‘rinbosari Lutfi Elvan, “Cengiz Holding” kompaniyasi Bosh direktori Ahmet Cengiz hamda O‘zbekiston Respublikasi Transport vaziri Ilhom Mahkamov, Tog‘-kon sanoat va geologiya vaziri Bobir Islamov va boshqa mas’ul vakillar ishtirok etdilar.
Suhbatda tomonlar mamlakatlarimiz o‘rtasidagi investitsiya imkoniyatlari, turk kompaniyalari bilan hamkorlik, Anqara shahrida tashkil etilgan “O‘zbekiston-Turkiya biznes forumi” va uning natijalari yuzasidan fikr almashdilar.
Ma'lumot uchun: joriy yilning 5-iyun kuni Anqara shahrida bo‘lib o‘tgan “O‘zbekiston-Turkiya biznes forumi” ikki davlat ishbilarmon doira vakillari, investorlar, xalqaro ekspertlar va mutaxassislardan iborat 500 nafar ishtirokchini birlashtirdi. Forum doirasida O‘zbekiston-Turkiya iqtisodiy va biznes doiralarining o‘zaro manfaatli hamkorligini yanada kengaytirishga qaratilgan bir qator kelishuvlarga erishildi.
Muloqot davomida infratuzilma loyihalarini shakllantirish, xususan, tog‘-kon va geologiya, transport, avtomobil yo‘llarini qurish sohalarida davlat-xususiy sheriklik loyihalarini ishlab chiqish, ushbu yo‘nalishlarda o‘zaro tajriba almashish hamda xalqaro moliya institutlari bilan olib borilayotgan hamkorlik masalalari muhokama qilindi.
Muzokaralar yakunida tomonlar o‘zaro manfaatli hamkorlik aloqalarini shakllantirish hamda kengaytirishga kelishib oldilar.
Iqtisodiyot va moliya vazirligi
Axborot xizmati