Joriy yilning 30-iyul kuni Toshkent viloyati Ichki ishlar bosh boshqarmasi boshligʻining Maʼnaviy-maʼrifiy ishlar va kadrlar bilan taʼminlash xizmati boʻyicha oʻrinbosari podpolkovnik Raxmanov Asilbek, MvaFRB boshligʻi podpolkovnik Giyasova Nilufar va boshqa masʼul rahbarlar ishtirokida Migratsiya va fuqarolikni rasmiylashtirish boshqarmasi va uning quyi tizimlari tomonidan 6 oy davomida amalga oshirilgan ishlar, erishilgan yutuqlar va yoʻl qoʻyilgan kamchiliklar muhokamasiga bagʻishlangan yigʻilish tashkil etildi.

Yigʻilishda migratsiya va fuqarolikni rasmiylashtirish xizmati xodimlarini kasbiy malakasini oshirish va oʻqitishga, aholiga sifatli va qulay davlat xizmatlarini koʻrsatish, fuqarolarni rozi qilish ekanligi taʼkidlab oʻtildi.

Migratsiya va fuqarolik rasmiylashtirish boshqarmasi va uning quyi tizimlari tomonidan fuqarolarga turli turdagi davlat xizmatlari koʻrsatib kelinmoqda.

Jumladan aholiga ID-kartalar, xorijga chiqish biometrik pasportlari rasmiylashtirilib, viza muddatlari uzaytirildi.

Bundan tashqari, Boshqarma va uning quyi tizimlari tomonidan viloyat hududida jinoyat sodir etib, yashiringan qidiruvdagi shaxslar aniqlanib, tergov va sud idoralariga topshirildi.

Yigʻilishda Toshkent viloyati IIBB Migratsiya va fuqarolik rasmiylashtirish boshqarmasi boshligʻining axboroti boʻyicha kamchilikka yoʻl qoʻygan rahbar va xodimlar keskin tanqid qilinib, bunga sababchi boʻlgan xodimlarning oʻtgan davr mobaynida faoliyatlari atroflicha muhokama qilindi.

Toshkent viloyati IIBB Migratsiya va fuqarolik rasmiylashtirish boshqarmasi