Янги қарор лойиҳаси миллий ташувчилар иштирокида муҳокама этилди
2025-07-30 22:00:00 / Янгиликлар
Транспорт вазири И.Махкамов бошчилигида бўлиб ўтган учрашувда автомобилда юкларни халқаро ташишга хорижий/кўп томонлама рухсатномаларни миллий ташувчилар орасида тақсимлаш, бериш ва улардан фойдаланиш тизимини янада такомиллаштириш мақсадида ишлаб чиқилган қарор лойиҳаси муҳокама этилди.
Хусусан, рухсатнома бланкаларини айирбошлаш, икки томонлама юк ташиш учун ҳамда учинчи давлатга/дан юк ташиш учун рухсатнома бланкасини олиш тартиби, миллий ташувчилар эҳтиёжларини қондирмайдиган рухсатнома бланкалари қандай тартибда ва қайси мезонлар асосида тақсимланиши бўйича батафсил маълумот берилди.
Янги қарор лойиҳаси юзасидан миллий ташувчиларнинг фикр-мулоҳазалари ва таклифлари атрофлича муҳокама этилди. Қизғин баҳс-мунозара ва очиқ мулоқот шаклида ташкил этилган учрашувда корхона раҳбарлари ўзларини қизиқтирган саволларга тўлиқ жавоб олиш имкониятига эга бўлдилар.
Қарор лойиҳаси билан ушбу ҳавола орқали танишиб, ўз таклифларингизни Telegram мессенжеридаги @TashuvchigaKo‘mak ботига юборишингиз мумкин.