Юқори тезликдаги темир йўл участкаларида ҳаракат хавфсизлигини таъминлаш доимий назоратда
2025-05-29 11:00:00 / Янгиликлар
Тадбир Тошкент марказий темир йўл вокзалида бошланиб, унда аввалги йиғилишда берилган топшириқлар ижроси муҳокама қилинди.
“Ўзбекистон темир йўллари” АЖ бошқаруви раиси ўринбосари, Идоралараро комиссияси раиси ўринбосари А.Камилджанов ва Транспорт назорати инспекцияси бошлиғи ўринбосари А.Абдурахмановлар бошчилигида комиссия аъзолари ҳаракат хавфсизлигини таъминлаш борасида амалга оширилган ишларни ҳамда мавжуд камчиликларни назорат қилиб чиқдилар.
Темир йўл кесишмалари, ён атрофлари кўздан кечирилди. Юқори тезликдаги темир йўл участкасида юк ва йўловчилар ташиш хавфсизлиги ҳолати таҳлил қилинди ҳамда аниқланган камчиликларни бартараф этиш чоралари бўйича Тошкент, Бухоро, Қарши МТУ филиаллари раҳбарияти, тегишли хўжаликлар ва маҳаллий ҳокимият вакилларига тавсиялар берилди.