Ўзбекистон Республикаси Транспорт вазирлиги

Мазкур тадбир Ўзбекистон Республикаси Транспорт вазирининг топшириғига мувофиқ “Ўзавиация” агентлиги томонидан ташкил этилди ва унда фуқаро авиацияси ташкилотларининг техник директорлари ҳамда парвозлар хавфсизлиги бўйича инспекция раҳбарлари иштирок этишди.

Семинар ишида, шунингдек, Ўзбекистон Республикаси Транспорт вазирлигининг авиация ҳодисалари ва инсидентларини текшириш бўлими вакиллари ҳам иштирок этдилар.

Семинар дастури қуйидаги долзарб мавзуларни қамраб олди:

• ИКАОнинг давлатларда узлуксиз мониторинг механизми (USOAP);

• 2023 йилда Ўзбекистонда ўтказилган ИКАО аудити натижалари ва амалга оширилаётган тузатув чора-тадбирлари;

• Ўзбекистон фуқаро авиациясида парвозлар хавфсизлигининг ҳолати;

• хорижий давлатларда SAFA (Safety Assessment of Foreign Aircraft) дастури доирасида амалга ошириладиган текширув амалиёти;

• SAFA тизими бўйича миллий ва хорижий авиакомпаниялар ҳаво кемаларига нисбатан ўтказилган перрон инспекциялари ва уларнинг таҳлили;

• фуқаро ҳаво кемалари билан боғлиқ авиация ҳодисалари ва инсидентларни текшириш тартиби ва текширувни ташкил этилиши;

• авиация ҳодисалари ва инсидентлари чоғида объектив назорат воситаларидан фойдаланиш, авиакомпаниялар томонидан парвоз маълумотларини таҳлил қилиш дастурини жорий этишга оид талаблар;

• авиация техникасидаги носозликлар такрорланишининг парвозлар хавфсизлигига таъсири.

Семинар ИКАО халқаро стандартларига мувофиқ парвозлар хавфсизлиги устидан назорат тизимини такомиллаштириш, мавжуд муаммоларни муҳокама қилиш ва тажриба алмашиш учун муҳим касбий платформа вазифасини ўтади.