Транспорт вазири Yutong Bus компанияси вице-президенти билан учрашди
2025-02-12 10:00:00 / Янгиликлар
Учрашувда мамлакатимизда жамоат транспорти тизимини ривожлантириш жараёнида ҳаракат таркибларини янгилаш борасида долзарб вазифалар муҳокама этилди.
Хусусан, томонлар 200 та электробус сотиб олиш лойиҳасини амалга оширишнинг ҳозирги ҳолатини, шунингдек, Тошкент шаҳри учун яна 1000 та автобус сотиб олиш бўйича истиқболли лойиҳа юзасидан фикр алмашди. Шунингдек, хусусий тадбиркорлар томонидан электробусларни сотиб олиш учун қулай шарт-шароитлар яратиш билан боғлиқ жиҳатлар атрофлича муҳокама этилди.
Транспорт вазири Ўзбекистонда фойдаланилаётган Yutong компанияси томонидан ишлаб чиқарилган автобус ва электробуслар сони ортиб бораётганидан келиб чиқиб, компания томонидан кўрсатилаётган сервис хизматларини кучайтириш зарурлигини алоҳида таъкидлади.
