«Афросиёб» поезди Каттақўрғонда тўхтаб ўтишни бошлади
2025-02-10 10:00:00 / Янгиликлар
2025 йил 10 февраль кунидан 768/767-сонли “Тошкент – Бухоро – Тошкент” йўналишидаги юқори тезликдаги «Афросиёб» электропоезди Каттақўрғон пунктига тўхтаб ўтишини бошлади.
Бу бўйича вазифа давлатимиз раҳбарининг 2024 йил 29 ноябрдаги “Самарқанд вилоятида инвестиция ва тадбиркорлик муҳитини янада ривожлантириш ҳамда аҳоли турмуш даражасини яхшилаш чора-тадбирлари тўғрисида”ги қарори билан тасдиқланган “Самарқанд вилоятининг туман (шаҳар)ларини ижтимоий-иқтисодий ривожлантириш бўйича қўшимча чора-тадбирлар дастури”да белгилаб қўйилган.
Каттақўрғон бекатида илк йўловчилар тантанали равишда кутиб олинди.