Ўзбекистон Республикаси Транспорт вазирлиги

Жумадан, автомобил транспорти соҳасида:

"Тошкент" ҳамда Абу Сахий автовокзалларидан амалга оширилувчи 33 йўналишда 29-августдан то 11-сентабр кунига қадар бўлган даврда амалдаги мавжуд рейслардан ташқари 408 та қўшимча рейс амалга оширилиши режалаштирилган. Мазкур қўшимча рейслар орқали 32 700 нафардан ортиқ йўловчиларга хизмат кўрсатилиши таъминланади.

Темир йўл транспорти соҳасида:

2024-йилнинг 25-август кунидан 3-сентабр кунига қадар "Самарқанд-Тошкент-Самарқанд" йўналишида юқори тезликда ҳаракатланувчи "Афросиёб" електропоезди қатнови амалга оширилмоқда. Мазкур йўналишида қўшимча 20 та рейс орқали 5 720 нафар йўловчи ташилади.

Шунингдек, 25-август кунидан 3-сентабр кунига қадар "Тошкент-Хива-Тошкент", "Тошкент-Қўнғирот-Тошкент", "Тошкент-Термиз-Тошкент", "Тошкент-Шовот-Тошкент" йўналишларида ҳаракатланувчи йўловчи поездларга 5 тагача қўшимча вагонлар уланади. Қўшимча 300 та вагон уланиши орқали 12 000 нафар йўловчига хизмат кўрсатилади.

Йўналишларда қўшимча рейсларнинг ташкил етилиши ва поездларга қўшимча вагонлар уланиши орқали байрам кунлари умумий 17 720 нафар йўловчини қўшимча ташиш имконияти яратилади.

Фуқаро авиацияси соҳасида:

Байрам муносабати билан йўловчиларга қўшимча қулайлик яратиш мақсадида "Uzbekistan Airways" АЖ томонидан 31-август – 3-сентабр саналарида 60 та авиақатновлар амалга оширилади. Бунда 9000 дан ортиқ йўловчига хизмат кўрсатиш имкони бўлиб, қуйидаги йўналишларда қўшимча авиақатновлар ташкил етилди ва яна 5312 та йўловчига хизмат кўрсатиш имкони яратилади:

Тошкент-Нукус-Тошкент – 3 та 

Тошкент-Бухоро-Тошкент – 3 та 

Тошкент-Термиз-Тошкент – 2 та 

Тошкент-Урганч-Тошкент – 4 та 

Тошкент-Фарғона-Тошкент – 1 та 

Тошкент-Наманган-Тошкент – 3 та 

Шунингдек, Силк Авиа авиакомпанияси томонидан 31-августдан кунидан 3-сентябр кунига қадар маҳаллий йўналишларда 98 та рейс амалга оширилиши режалаштирилган бўлиб, бунда йўловчи ўринлари сони 6 827 тани ташкил етмоқда.

Еслатиб ўтамиз, "Uzbekistan Airways" авиакомпанияси 31-августдан 3-сентябрга қадар амалга ошириладиган барча маҳаллий авиақатновларга 30 фоиз чегирма, "Силк Авиа" авиакомпанияси томонидан еса барча маҳаллий авиақатновларга 15 фоиз чегирма амал қилади.