Хусусан, 19 – 24 - март кунлари давомида Uzbekistan airways, Silk avia ҳамда Centrum air авиакомпаниялари Тошкентдан Бухоро, Урганч, Нукус ва Термизга жами 24 та қўшимча рейсларни бажаради.

Қолаверса, аҳолининг авиа қатновларга бўлган эҳтиёжини қондириш мақсадида Uzbekistan airways авиа компанияси 19 ва 20 март кунги Тошкент – Бухоро – Тошкент, Тошкент – Урганч –Тошкент йўналишидаги қатновларни йўловчи сиғими катта бўлган Boeing -763 ҳаво кемасида бажаради (Airbus А 320 ўрнига).

Эслатиб ўтамиз, қўшимча дам олиш кунларини инобатга олган ҳолда, “Uzbekistan airways” АЖ томонидан 2026 йил 20 мартдан 23 мартгача бўлган даврда амалга ошириладиган республика ичидаги авиақатновларнинг эконом ва бизнес-класс тарифларига 15% миқдорида чегирмалар эълон қилинди.

Чегирмали авиачипталар сотуви 2026 йил 17 мартдан 23 мартгача “Uzbekistan airways” АЖнинг “Uzbekistan airways sales” филиали, унинг агентлари ҳамда www.uzairways.com веб-сайтида амалга оширилади.