"Тошкент – Самарқанд" йўловчи темир йўлини қуриш лойиҳасининг ТИА тақдим этилди
2025-12-16 17:00:00 / Янгиликлар
Хабарингиз бор, жорий йилнинг 14 февраль куни “Тошкент – Самарқанд” йўналишида юқори тезликдаги алоҳида йўловчи ташиш темир йўлини қуриш лойиҳасининг техник-иқтисодий асосларини (ТИА) ишлаб чиқиш жараёнларига “старт” берилган эди.
Мазкур лойиҳа ТИАсини ишлаб чиқиш учун Корея Экспорт-импорт банки томонидан 3 млн АҚШ доллари миқдоридаги грант маблағлари ажратилган.
Бугун, 16 декабрь куни Жанубий Кореянинг "Saman Engineering”, “Dong Myeong Engineering Consultants & Architecture Co., Ltd”, “Korea Railroad Corporation” ва “Korea National Railway” компанияларидан иборат консорциум томонидан ишлаб чиқилган ТИА бўйича ҳисобот ўтказилди.
Мазкур тадбирда Транспорт вазирлиги, "Ўзбекистон темир йўллари" АЖ раҳбарияти, тегишли вазирлик ва идораларнинг масъул ходимлари, Корея Экспорт-импорт банки, Халқаро молия ташкилотлари вакиллари ҳамда Корея компанияларидан иборат консорциум вакиллари иштирок этди.
