2026-yil 1-yanvardan boshlab tovarlarni aynan bitta yetkazib berish zanjiri boʻyicha QQS summasini hisobga olishda elektron hisobvaraq-fakturalarni (EHF) xavf darajasiga qarab real vaqt rejimida avtomatlashtirilgan tarzda tahlil qilish tizimi joriy qilindi.
PF–153-son 4.09.2025-y.
VMQ-830-son 26.12.2025-y.
 

Yuqori xavf darajasiga ega EHFlar boʻyicha:

• ularning ulushi hisobot davrida rasmiylashtirilgan jami EHFlar sonining 10 foizidan oshmasligi kerak;
• QQS summasi sotuvchi yoki xaridor tomonidan budjetga toʻliq toʻlanganidan soʻng hisobga olinadi.

Xavf darajasini pasaytirish tartibi:

Soliq toʻlovchi my3.soliq.uz shaxsiy kabineti orqali:
➡️ “Mening profilim”,
➡️ “EHF xavf darajasi” boʻlimiga kirib,
➡️ tegishli EHFni tanlab, toʻlovni amalga oshiradi.

Toʻlov toʻliq amalga oshirilgandan soʻng EHF xavf darajasi avtomatik tarzda “past” toifaga oʻtkaziladi.

Maʼlumot uchun: 2026-yil yanvar oyida axborot tizimi tomonidan 527 ta korxonaning 213,4 mlrd soʻmlik QQS summasiga teng 1 041 ta EHF yuqori xavf darajasiga ega deb baholandi.

Shundan, 122 ta EHF boʻyicha 49 ta korxona 4,6 mlrd soʻm QQSni budjetga toʻlab, xavf summalarini bartaraf etdi.

Mazkur tizim QQS hisob-kitoblarining shaffofligini taʼminlash hamda soliq intizomini mustahkamlashga xizmat qiladi.

QQS ma'muriyatchiligi departamenti