Oʻzbekiston Respublikasi Soliq qoʻmitasi

O‘zbekiston Respublikasi Prezidentining «Davlat soliq xizmati organlari faoliyatini tubdan takomillashtirish chora-tadbirlari to‘g‘risida» 2018-yil 26-iyundagi PQ-3802-son qaroriga muvofiq xo‘jalik yurituvchi sub’ektlar tomonidan elektron hisobvaraq-fakturalardan foydalanishni joriy etish maqsadida, Vazirlar Mahkamasining «Soliq ma’muriyatchiligida zamonaviy axborot-kommunikatsiya texnologiyalarini qo‘llashni kengaytirish chora-tadbirlari to‘g‘risida» 2018-yil 6-oktabrdagi 807-son qarori qabul qilindi.

Qarorga muvofiq xo‘jalik yurituvchi sub’ektlar tomonidan hisobvaraq-fakturalarni elektron shaklda rasmiylashtirish tizimini joriy etish bo‘yicha 2018-yil 15-oktyabrdan 2019-yil 1-fevralga qadar Toshkent viloyatining Chirchiq shahri, Navoiy va Sirdaryo viloyatlari hududida tajriba o‘tkazildi.

Tajriba loyihasini o‘tkazish jarayonida 17 mingdan ortiq xo‘jalik yurituvchi sub’ektlar elektron hisobvaraq-fakturalar tizimidan foydalanishdi.

Tajriba loyihasi natijasi bo‘yicha Vazirlar Mahkamasining 2019-yil 25-iyundagi “O‘zaro hisob-kitoblar tizimida elektron shakldagi hisobvaraq-fakturalardan foydalanishni takomillashtirish chora-tadbirlari to‘g‘risida” 522-sonli qarori qabul qilindi. Qarorga muvofiq respublika hududida 2019-yil 1-iyuldan boshlab ixtiyoriy ravishda, 2020-yil 1-yanvardan boshlab barcha xo‘jalik yurituvchi sub’ektlar uchun hisobvaraq-fakturalarni elektron shaklda rasmiylashtirish, saqlash va hisobini yuritish tizimini majburiy tartibda joriy etish belgilangan.

Qaror bilan “O‘zaro hisob-kitoblar tizimida elektron shakldagi hisobvaraq-fakturalardan foydalanish tartibi to‘g‘risida”gi Nizom tasdiqlangan va qo‘yidagi yangi tushunchalar kiritilgan:

elektron hisobvaraq-faktura (keyingi o‘rinlarda EHF deb ataladi) — tovarlarni (ishlar, xizmatlarni) realizatsiya qilish va sotib olishni tasdiqlaydigan, EHF aylanish tizimi operatorlari orqali taqdim etiladigan va qabul qilinadigan, qonun hujjatlariga muvofiq belgilangan shakllarda rasmiylashtirilgan elektron hujjat;

elektron hisobvaraq-faktura aylanish tizimi operatori (keyingi o‘rinlarda operator deb ataladi) — qonun hujjatlarida va ushbu Nizomda belgilangan talablarni bajargan EHFlarning aylanishi va ularni saqlash faoliyati bilan shug‘ullanishga ruxsat etilgan yuridik shaxs maqomiga ega axborot vositachisi;

rouming operatori — EHFlarning markazlashtirilgan holda saqlanishi, operatorlararo uzatilishi va hisobi yuritilishini ta’minlaydigan yuridik shaxs;

elektron hisobvaraq-faktura identifikatori — EHFni masofadan identifikatsiya qilish imkonini beruvchi rouming operatorining axborot tizimi tomonidan avtomatik ravishda belgilanadigan EHFning o‘ziga xos raqami;

elektron hisobvaraq-faktura aylanish tizimining ishtirokchilari (keyingi o‘rinlarda ishtirokchilar deb ataladi) — EHF aylanish tizimida tovarlarni (ishlar, xizmatlarni) sotuvchi va sotib oluvchi yuridik va jismoniy shaxslar;

QR-kod — tasdiqlangan EHFga biriktiriladigan va hujjat qog‘oz shaklida chop etilganda ko‘rsatiladigan, mobil ilovalar va dasturiy mahsulotlar orqali o‘qish (skanerlash) vaqtida EHF haqida barcha ma’lumotlarga havola bo‘ladigan maxsus grafik kod.

Elektron hisobvaraq-fakturalarning soliq to‘lovchilar uchun afzalliklari:

1. An’anaviy hisobvaraq-fakturalarni qog‘ozda tayyorlashda sarflanadigan moddiy va inson resurslarini tejash;

2. Hisobvaraq-fakturalarni qulay va oson yuritish;

3. Hisobvaraq-fakturalarda QQS hisoblash bilan bog‘liq xatoliklarni oldini olish;

4. QQS bilan bog‘liq xisobotlarni yuborish jarayonini avtomatlashtirish. 
 

Soliq qo‘mitasi tomonidan elektron hisobvaraq-fakturalar tizimini takomillashtirish bo‘yicha amaliy choralari ko‘rib borilmoqda.

Jumladan, elektron hisobvaraq-fakturani rasmiylashtirish jarayonida soliq to‘lovchi kontragentining (QQS to‘lovchisi bo‘lganda) QQS guvohnomasi holati, QQS uzilishi koeffitsientini ko‘rish imkoniyatiga ega bo‘ladi. Bu esa soliq to‘lovchiga ushbu kontragent bilan kelgusida hamkorlik qilish masalasini ko‘rib chiqish imkonini beradi.

Shuningdek, elektron hisobvaraq-faktura ma’lumotlarining soliq to‘lovchi hisobotlarida avtomatik ravishda aks ettirilishi, bunda harid qilingan tovarlar (xizmatlar) reestrida qaysi EHFda QQS hisobga olinganligi va qaysilari qanday asoslar bo‘yicha QQS hisobga olinmaganligi ko‘rsatilishi joriy qilingan.

Bundan tashqari, soliq to‘lovchilar tomonidan elektron hisobvaraq-faktura shakllantirish jarayonida qo‘shilgan qiymat solig‘i to‘lovchilar uchun QQS soliq imtiyozi turi “QQSsiz” yoki “QQS 0 foiz” ekanligidan kelib chiqib tegishli stavkani tanlash imkoniyatini yaratish bo‘yicha o‘zgartirish kiritilgan. 


Elektron hisobvaraq-faktura aylanish tizimi operatorlari
 

	"Didox Tech" MCHJ Sayt: didox.uz Telefon: (78) 140-77-00
	"SPACE ONLINE GENESIS" MCHJ Sayt: faktura.uz Telefon: (71) 200-00-13
	"SOLIQ-SERVIS" DUK Sayt: soliqservis.uz Telefon: (71) 202-32-82, 1198
	"NEW INVOICE SERVICE" MCHJ Sayt: e-invoice.uz Telefon: (71) 200-03-30
	"FIDES SOLUTIONS" MCHJ Sayt: edocs.uz Telefon: (93)381-54-54, (78)150-41-48
	"REALSOFT" MCHJ Sayt: hujjat.uz Telefon: (71) 205-84-84
	IQTISODIYOT VA MOLIYA VAZIRLIGI "AXBOROT-TEXNOLOGIYALARI MARKAZI" DUK Sayt: invoice.uzasbo.uz Telefon: (71) 202-03-02
	"CENTER FOR DIGITAL TECHNOLOGY AND INNOVATION" MCHJ Sayt: x-file.uz Telefon: (71) 200-30-50
	"BEPRO NORMA" MCHJ Sayt: docs.1uz.uz Telefon: (71) 230-45-17
	"UZEX INNOVATION" MCHJ Sayt: exdoc.uz Telefon: (71) 207-00-33
	"UZPAYNET" MCHJ Sayt: agent.paynet.uz Telefon: (71) 202 07 07
	"DATAPRIZMA" MCHJ Sayt: netdoc.uz Telefon: (78)-122-99-07
	"THE MIND" MCHJ Sayt: 24m.uz Telefon: (95) 194 24 24
	"INTELLEKT-SERVIS" MCHJ Sayt: mexm.uz Telefon: (95) 602-20-12
	"B2B SPACE" MCHJ Sayt: web.abv.uz Telefon: (71) 200-67-66
	"SUVAN NET" MCHJ Sayt: my.contracts.uz Telefon: (78) 113-34-54
	"LAVINA TECH" MCHJ Sayt: l-factura.uz Telefon: (71) 200-08-81
	"MICROS DEVELOPMENT" XK Sayt: multibank.uz Telefon: (+998 71) 200-34-34 (qo'shimcha 264)
	“PLUM TECHNOLOGIES” MCHJ Sayt: edo.uzcardtrade.uz Telefon: (78) 140-89-65
	"LANBIR SERVIS" MCHJ Sayt: onlinefactura.uz Telefon: (71) 200-11-22
	"ART OF BUSINESS ASSISTANCE" MChJ Sayt: app.hippo.uz Telefon: (71) 200-63-63
	"TeslaPro" MChJ Sayt: kiber.uz Telefon: (97) 102-13-13
	"RAQAMLI BIZNES AGREGATOR" MChJ Sayt: my.dgb.uz Telefon: (71) 200-95-00
	"Anorbank" AJ Sayt: anorbank.uz Telefon: (55) 503-00-00
	"Yagona markirovkalash va identifikatsiyalash markazi" MChJ Sayt: edo.era.uz Telefon: (78) 129-23-23; (78) 120-23-23
	"Yagona Integrator Uzinfocom" MChJ Sayt: udocs.uz Telefon: 71-202-22-02 (ishki raqam 769)
	"Webase" MChJ Sayt: webimzo.uz Telefon: (77) 067-79-29
	“Flott” MCHJ Sayt: flott.uz Telefon:  +998 (71) 200-20-21
	"Agrosanoatni raqamlashtirish markazi" MCHJ Sayt: docs.agro.uz Telefon: +99871 206-70-07