Raqamli markirovkada oʻzgarishlar
2026-01-05 09:00:00 / Qo'mita yangiliklari
2026-yil 1-yanvardan elektr akkumulyatorlari uchun raqamli markirovka joriy etilishi majburiy talab sifatida kiritiladi (TIF TN kodi 8507102002, 8507102003).
Shu bois, yangi talablar kuchga kirishi munosabati bilan mazkur tovarlarni ishlab chiqaruvchilar va import qiluvchilar majburiyati:
- belgilangan tartibda "Asl belgisi" milliy axborot tizimida ro‘yxatdan o‘tish.
- ishlab chiqarishni zarur texnik va boshqa asbob-uskunalar bilan jihozlash;
- raqamli markirovkalash kodlari olinishini ta’minlash.
Shu bilan birga, raqamli markirovkalangan mahsulotlar bilan chakana savdo qiluvchi tadbirkorlik sub’ektlari uni o‘qish uchun maxsus qurilmalar – 2D-skanerlar yoki boshqa maxsus qurilmalardan foydalanishi zarur.
Shu bilan birga, 2D-skanerlarni sotib olish uchun soliq imtiyozlari mavjud.