Farg‘onada “Emlash: ilmiy va diniy asoslar” mavzusida uchrashuv bo‘lib o‘tdi
2025-12-02 15:50:00 / Yangiliklar
Tadbirning asosiy maqsadi — aholi salomatligini muhofaza qilishda emlashning ahamiyatini ilmiy va diniy manbalardagi asoslar orqali tushuntirish, shuningdek imom-xatiblar va otinoyilar bilan birgalikda sog‘lom turmush tarzini targ‘ib qilish ishlarini kuchaytirishdan iborat.
Uchrashuvda Din ishlari bo‘yicha qo‘mita va O‘zbekiston musulmonlari idorasining har bir Frag’ona viloyatining har bir tumanidan tashrif buyurgan 25 nafar vakili, Sanepidqo‘mita mutaxassislari hamda UNIСEF ekspertlari ishtirok etdilar.
Tadbir davomida ishtirokchilarga:
emlashning mohiyati va organizmni himoya qilishdagi o‘rni;
milliy emlash dasturining amaliy natijalari;
aholi orasida uchraydigan savol va muammolar;
ilmiy asoslangan diniy nuqtayi nazarlar
bo‘yicha batafsil ma’lumot berildi.
Shuningdek, imom-xatib va otinoyilar bilan ochiq muloqot o‘tkazilib, joylardagi emlash bo‘yicha vaziyat, aholidagi savollar, takliflar va mavjud muammolar muhokama qilindi.
Uchrashuv yakunida ishtirokchilar hamkorlikni yanada mustahkamlash, aholiga emlash to‘g‘risida to‘g‘ri va ishonchli ma’lumot yetkazish hamda soha mutaxassislari bilan doimiy muloqotda ish yuritish bo‘yicha kelishib oldilar.
Sanepidqo'mita Axborot xizmati