O‘zbekiston tashqi ishlar vaziri maslahatchisi Gulf Petrochemical Industries Company kompaniyasi rahbarining o‘rinbosari bilan uchrashdi
2025-08-21 16:50:00 / Yangiliklar va voqealar
2025-yil 20-avgust kuni O‘zbekiston Respublikasi Tashqi ishlar vaziri maslahatchisi Munira Aminova Bahraynda Gulf Petrochemical Industries Company (GPIC) kompaniyasi rahbarining o‘rinbosari Adnan Al-Mahmud bilan uchrashuv o‘tkazdi.
Uchrashuv chog‘ida O‘zbekiston kimyo sanoatini rivojlantirish milliy dasturi doirasida strategik hamkorlik istiqbollari muhokama qilindi.
Xorijiy tomon mamlakatning strategik joylashuvi va xom ashyoni chuqur qayta ishlash sohasidagi salohiyatini ta’kidlab, investitsiya loyihalarini amalga oshirishga qiziqish bildirdi.
Uchrashuv yakunida agroximyo sohasida hamkorlikni rivojlantirish, GPIC delegatsiyasining O‘zbekistonga tashrifini tayyorlash hamda loyihalarni ishlab chiqish uchun qo‘shma ishchi guruh tuzishga kelishib olindi.