Afg‘onistonning mamlakatimizdagi diplomatik vakolatxonasi rahbari bilan uchrashuv
2025-02-04 10:25:00 / Yangiliklar va voqealar
2025-yil 3-fevral kuni O‘zbekiston Respublikasi tashqi ishlar vazirining birinchi o‘rinbosari Bahromjon A’loyev Afg‘onistonning mamlakatimizdagi diplomatik vakolatxonasi rahbari Abdul G‘affor Teraviy bilan uchrashuv o‘tkazdi.
Suhbat chog‘ida Afg'onistondagi hozirgi vaziyat bo‘yicha atroflicha fikr almashildi. Tomonlar O‘zbekiston-Afg‘oniston munosabatlarining istiqbollarini muhokama qildilar.
Abdul G‘affor Teraviy O‘zbekistonning umumiy mintaqaviy pozitsiyani ishlab chiqish, Afg'oniston bo'yicha uzoq muddatli tinchlik o'rnatish va mamlakatdagi barqarorlikni ta’minlash, shuningdek, afg‘on xalqiga gumanitar yordam ko‘rsatish sa’y-harakatlarini yuqori baholadi.