Oliy Majlisda Qurilish va uy-joy kommunal xo'jaligi vazirligi hisoboti eshitildi
2026-07-14 11:30:00 / Vazirlik yangiliklar
Oliy Majlis Qonunchilik palatasining Ekologiya va atrof-muhitni muhofaza qilish masalalari qo‘mitasi navbatdagi yig‘ilishida Qurilish va uy-joy kommunal xo‘jaligi vaziri o‘rinbosari T.Alimatovning qurilish va uy-joy kommunal xizmat ko‘rsatish sohasida jismoniy hamda yuridik shaxslar murojaatlari bilan ishlash natijadorligi yuzasidan hisoboti eshitildi.
Hisobotda ta’kidlanganidek, 2026-yilning II choragida vazirlikka 10 295 ta murojaat kelib tushgan bo‘lib, bu o‘tgan yilning mos davriga nisbatan 28 foizga kam. Murojaatlarning 8 458 tasi yoki 82,1 foizi ijobiy hal etilgan. Shuningdek, qurilish va bino-inshootlar masalalari bo‘yicha murojaatlar 68 foizga, noqonuniy qurilishlar bo‘yicha 46 foizga, qurilish sifati bo‘yicha esa 59 foizga kamaygani qayd etildi.
Yig‘ilishda murojaatlar bilan ishlash samaradorligini yanada oshirish, aholi muammolarini tezkor hal etish, sohada raqamli islohotlarni jadallashtirish hamda jamoatchilik oldida hisobdorlik va shaffoflikni kuchaytirish masalalari muhokama qilindi. Deputatlar ushbu yo‘nalishlarni takomillashtirish yuzasidan o‘z tavsiyalarini bildirdilar.