Vazir o‘rinbosari hududga chiqib, ko‘p qavatli uylarga xizmat ko‘rsatish sohasidagi muammolarni o‘rgandi
2026-07-09 09:00:00 / Vazirlik yangiliklar
Vazir o‘rinbosari Ozoda Jo‘rayeva hududga chiqib, ko‘p qavatli uylarga xizmat ko‘rsatish sohasidagi muammolarni o‘rgandi.
Toshkent shahri Olmazor tumanidagi “Orzu” MFY hududida joylashgan ko‘p qavatli uylarda istiqomat qilayotgan aholi bilan uchrashuv o‘tkazildi.
Muloqot davomida ko‘p qavatli uylarni boshqarish va ularga xizmat ko‘rsatish sifati, umumiy foydalanish joylarini saqlash, sanitariya holati, muhandislik kommunikatsiyalaridan foydalanish hamda boshqaruv tashkilotlari faoliyatiga oid murojaatlar tinglandi.
- Ko‘p qavatli uylar nafaqat yashash maskani, balki aholining kundalik hayot sifati aks etadigan muhitdir. Har bir murojaat e’tibor bilan o‘rganilib, mavjud muammolarni tezkor va sifatli hal etish — oldimizdagi ustuvor vazifadir, - dedi Ozoda Jo’rayeva.
Aniqlangan muammolar yuzasidan mas’ullarga ularni joyida o‘rganish va qisqa muddatlarda bartaraf etish bo‘yicha tegishli topshiriqlar berildi. Mazkur masalalarning ijrosi nazoratga olindi.