Toshkent shahrida “O‘zbekistonda Germaniya iqtisodiyoti kunlari” biznes-forumi bo‘lib o‘tdi
2026-05-19 20:40:00 / Vazirlik yangiliklar
18-may kuni Toshkent shahrida “O‘zbekistonda Germaniya iqtisodiyoti kunlari” biznes-forumi hamda O‘zbekiston-Germaniya ishbilarmonlar kengashining 10-yig‘ilishi bo‘lib o‘tdi.
Mazkur nufuzli tadbirlarda delegatsiyalar rahbarlari — O‘zbekiston Respublikasi Bosh vaziri, O‘zbekiston-Germaniya ishbilarmonlar kengashining O‘zbekiston tomonidan hamraisi Abdulla Aripov hamda “Knauf Group” kompaniyasi ijrochi hamkori, Kengashning Germaniya tomonidan hamraisi Uve Knotser qutlov so‘zlari bilan chiqish qildilar.
Shuningdek, ochilish marosimida Germaniya iqtisodiyoti Sharqiy qo‘mitasi direktori Mixael Harms hamda Germaniya Elchisi Manfred Xuterer ishtirok etdi.
Tadbirlarda Qurilish va uy-joy kommunal xo‘jaligi vaziri o‘rinbosari Ozoda Jo‘rayeva ham ishtirok etdi. Forum doirasida qurilish, uy-joy kommunal xo‘jaligi va infratuzilma sohalarida xalqaro hamkorlikni rivojlantirish, zamonaviy texnologiyalarni joriy etish hamda malakali kadrlar tayyorlash masalalari muhokama qilindi.
Shu bilan birga Germaniyaning yetakchi kompaniyalari va tashkilotlari bilan qurilish materiallari ishlab chiqarish, energiya samaradorligi, shahar infratuzilmasini modernizatsiya qilish hamda investitsion loyihalarni amalga oshirish istiqbollari yuzasidan fikr almashildi.
Kunning yakuniy qismi ikki tomonlama uchrashuvlar va muzokaralarga boy bo‘ldi.