Matbuot anjumani o‘z ishini boshladi
2026-03-05 17:00:00 / Vazirlik yangiliklar
Ayni daqiqalarda Ommaviy axborot vositalari uchun kontent tayyorlash markazi binosida uy-joy sharoitlarini yaxshilash bo‘yicha amalga oshirilayotgan islohotlarni izchil davom ettirish bo‘yicha qabul qilingan O‘zbekiston Prezidenti Farmoni va qarori ijrosiga bag‘ishlangan matbuot anjumani bo‘lib o‘tmoqda.
Unda Qurilish va uy-joy kommunal xo‘jaligi vaziri Sherzod Hidoyatov, vazir o‘rinbosari Davronjon Adilov hamda Urbanizatsiya va uy-joy bozorini barqaror rivojlantirish milliy qo‘mitasi raisi Sherzod Kudbiyev ishtirok etmoqda.
Tadbir davomida uy-joylarni kompleks qurish mexanizmlari, qurilish jarayonlarida shaffoflikni ta’minlash, shaharsozlik hujjatlarini takomillashtirish hamda “Uy-joy” yagona raqamli urbanizatsiya platformasi orqali joriy etilayotgan yangi tizimlar haqida batafsil ma’lumot berilmoqda.
Jarayonda soha rahbarlari tomonidan OAV vakillarining savollariga ham javob qaytarilishi rejalashtirilgan.