Fuqarolik jamiyati haftaligi doirasida NNTlar forumiga start berildi
2025-12-04 11:15:00 / Kengash yangiliklari
Bugun Yoshlar ijod saroyida Fuqarolik jamiyati haftaligi doirasida Nodavlat notijorat tashkilotlari forumibo‘lib o‘tmoqda. Tadbirda NNTlar, jamoatchilik faollari va davlat organlari vakillari ishtirok etmoqda.
Forumda Adliya vazirligi vakili nutq so‘zlab, NNTlarni qo‘llab-quvvatlash bo‘yicha amalga oshirilayotgan islohotlar, ijtimoiy sheriklik mexanizmlari va yangi imkoniyatlarga to‘xtalib o‘tdi.
- PF–124-son Farmon asosida NNTlarning tashabbusli loyihalarini BHMning 1000 baravarigacha moliyalashtirish imkoniyati yaratildi.
- 2025-yilning 9 oyi davomida 20 mlrd so‘mdan ortiq davlat ijtimoiy buyurtmalari ajratildi.
- Hududlarda tashkil etilgan “NNTlar uyilari” orqali 350 dan ortiq tashkilot bepul joy bilan ta’minlandi.
- NNT faoliyatiga asossiz aralashuv uchun ma’muriy javobgarlik belgilandi (MJtK 239-modda).
- NNTlar faoliyati ekologiya, ta’lim, sog‘liqni saqlash, yoshlar, gender tengligi, ijtimoiy himoya va boshqa yo‘nalishlarni keng qamrab olyapti.
Maqsad – ochiq muloqot va hamkorlikni kuchaytirish
Forum fuqarolik jamiyatini 2030-yilgacha rivojlantirish strategiyasi bo‘yicha takliflar bildirish, dolzarb masalalarni muhokama qilish hamda davlat organlari va NNTlar o‘rtasida ochiq muloqot maydonini yaratishga xizmat qilmoqda.
