Buxoro viloyati hokimligi

Mutaxassislarning qayd etishicha, xalqaro arxitektura va sanʼatning ilgʻor yutuqlari asosida oʻtkazilishi taklif etilayotgan mazkur anjuman Markaziy Osiyo mamlakatlari ichida ilk marotaba Buxoroda tashkil qilinadi hamda mintaqada Buxoroni noyob kreativ klaster xabiga aylantirishga xizmat qiladi.

Mazkur tadbirning arxitekturaviy yechimlariini ishlab chiqish maqsadida BAAning “WaiWai” arxitektura tashkiloti jalb qilingan boʻlib, hozirgi kunda loyiha hujjatlari ishlab chiqilmoqda.

Shu bilan birga, Oʻzbekiston Respublikasi Prezidentining tegishli qarorida qayd etilgan Buxoro tarixiy markazi hududidagi 9 ta obyekt (Gavkushon madrasasi, Xoʻja Kalon va Magʻoki Attori masjidlari, Mirzo Ulugʻbek tamakifurush va Ahmadjon karvonsaroylari qoldiqlari, Olimjon, Ayozjon va Fatxullajon karvonsaroylari, Tasviriy sanʼat muzeyi)ni Xalqaro zamonaviy sanʼat biyennalesiga tayyorlash maqsadida restavratsiya, taʼmirlash-tiklash va obodonlashtirish hamda ularning muhofaza hududlarida asfalt-beton qoplamali yoʻl va yoʻlaklarda dastlabki loyiha hujjatlariga koʻra maxsus toshli qoplamalar yotqizish maqsadida demontaj ishlari olib borilmoqda.

Biyennaleni YUNESKO shafeligida oʻtkazish hamda BAA, Fransiya, Buyuk Britaniya, Saudiya Arabistoni kabi mamlakatlarning yetakchi sanʼat tashkilotlari vakillaridan iborat Xalqaro kengash tomonidan boshqarish nazarda tutilgan.

Bugun viloyat hokimligida viloyat hokimi Botir Zaripovning BAA va Yaponiyadagi “Waiwai design” arxitektura kompaniyalari asoschisi, Buxoroda oʻtkazilishi rejalashtirilgan biyennale kuratori Vayel al Avar,mazkur kompaniyaning atakchi arxitektorlari, kompaniya Oʻzbekiston Respublikasi Vazirlar Mahkamasi Madaniyat va sanʼatni rivojlantirish jamgʻarmasi mutasaddilari bilan oʻtkazgan uchrashuvida anjumanni   yuqori saviyada oʻtkazish masalalari keng muhokama qilindi.

Bajarilayotgan amaliy ishlar natijasi oʻlaroq, katta va keng hududda barpo etish amallaridan tashqari, obodonlashtirish masalalarini ham tizimli tashkil etish, aholi va sayyohlar uchun zarur shart-sharoitlar yaratish, mavjud muammolarni bartaraf etish hamda yangi imkoniyatlarni jadallashtirish yuzasidan fikr almashildi.

 Maʼlumot uchun: Biyennale italyancha soʻz boʻlib, “biennale”– ikki yilda bir marta oʻtkaziladigan madaniy, sanʼat yoki ilmiy tadbirdir. U odatda koʻrgazma, festival yoki konferensiya shaklida tashkil qilinadi. Biyennale nafaqat sanʼatga, balki arxitektura, dizayn, adabiyot va boshqa ijodiy sohalarga ham bagʻishlanishi mumkin. Hozirda Venetsiya va Berlin biyennallelari dunyodagi eng nufuzli sanʼat tadbirlari hisoblanadi. Ularda 80 ta mamlakatdan 1,5 mingdan ortiq koʻrgazma namoyish etiladi.

Viloyat hokimligi matbuot xizmati