90 oʻrinli eski binodan 120 oʻrinli zamonaviy maskanga: Gazlida yangi bogʻcha ochildi
2026-09-27 12:15:00 / Yangiliklar
Gazlida bugun ana shu muammoga yechim topildi. Eski, imkoniyatlari cheklangan muassasa oʻrniga zamonaviy 120 oʻrinli maktabgacha taʼlim tashkiloti barpo etilib, foydalanishga topshirildi.
Yangi bogʻcha Vazirlar Mahkamasining tegishli qarori asosida 5 milliard soʻm mablagʻ evaziga qurildi. Eng muhimi, yangi muassasaning ishga tushirilishi bilan Gazlida maktabgacha taʼlim bilan qamrov 100 foizga yetkazildi.
Endi bu yerda bolalar zamonaviy va shinam xonalarda taʼlim-tarbiya oladi. Muassasa bolalarning yoshiga mos ravishda taʼlim olishi, dam olishi va boʻsh vaqtini mazmunli oʻtkazishi uchun zarur sharoitlar bilan taʼminlangan.
Ayniqsa, chet tillarini oʻrganish uchun yaratilgan imkoniyatlar bolalarning maktabgacha boʻlgan davrdanoq yangi bilim va koʻnikmalarni egallashiga xizmat qiladi. Bu esa ularning kelgusidagi taʼlim jarayoni uchun muhim poydevor boʻladi.
Yangi bogʻchaning ochilishi nafaqat bolalar, balki ota-onalar uchun ham katta qulaylik yaratdi. Avvalgi muassasadagi sharoitlardan farqli oʻlaroq, endi farzandlarini taʼlim va tarbiya uchun zamonaviy, qulay va xavfsiz muhitga ishonib topshirish imkoniyati paydo boʻldi.
Yangi maktabgacha taʼlim tashkilotining tantanali ochilish marosimida viloyat hokimi Botir Zaripov, viloyat jamoatchiligi, Gazli shahri aholisi ishtirok etdi.
Marosimda yurtimizda, xususan, chekka hududlarda istiqomat qilayotgan aholi uchun zamonaviy ijtimoiy infratuzilma obyektlarini barpo etish, bolalarning taʼlim-tarbiyasi uchun munosib sharoitlar yaratish borasida amalga oshirilayotgan ishlar taʼkidlandi.
Yangi muassasaning ramziy lentasi qirqilib, bu yerda bolalar uchun yaratilgan shart-sharoitlar koʻzdan kechirildi. Taʼlim xonalari, bolalar uchun yaratilgan qulayliklar va chet tillarini oʻrganish imkoniyatlari bilan tanishildi.
Obyektni barpo etishda mehnat qilgan quruvchilarga minnatdorlik bildirildi.
Kyechagi eski bino oʻrnidagi bugungi zamonaviy bogʻcha — Gazlida bolalarga boʻlgan eʼtibor, aholi uchun yaratilayotgan qulayliklar va hudud ijtimoiy infratuzilmasidagi yangilanishlarning yana bir amaliy ifodasidir.
Viloyat hokimligi matbuot xizmati